टनेल गोलभेँडाको थोक मूल्य ६४ रुपैयाँ, अन्य तरकारीको यस्तो छ मूल्यसूची

समाचार

काठमाडौँ । आज कालिमाटी फलफुल तथा तरकारी बजारमा टनेल गोलभेँडाको थोक मूल्य प्रतिकिलो ६४ रुपैयाँ कायम भएको छ । समितिले प्रत्येक विहान कालिमाटी तरकारी बजारमा हुने कारोबारको आधारमा आफ्नो वेभसाइटमा मूल्यसूची सार्वजनिक गर्छ ।

यसअनुसार, आज कालिमाटी थोक बजारमा बिक्री हुने गोलभेँडामध्ये टनेल गोलभेँडाको भाउ सबैभन्दा धेरै छ । थोक बजारमा गोलभेडाको मूल्य सस्तो रहेपनि उपभोक्ताको चुलोसम्म पुग्दा अचाक्ली महँगो छ । थोक बजारबाट उपभोक्तासम्म पुग्दा २/३ चरण पार गर्नुपर्ने भएकाले खुद्रा बजारमा गोलभेँडाको मूल्य कम्तिमा प्रतिकिलो १३० रुपैयाँ कायम छ ।

यस्तै, आज ठूलो गोलभेडाको थोक मूल्य किलोमा ४५ रुपैयाँ, गोलभेँडा सानोको मूलय ५५ रुपैयाँ, भारतीय सानो गोलभेँडाको ५५ रुपैयाँ कायम छ । यसबाहेक, रातो आलुको थोक मूल्य ५७ रुपैयाँ, मुडे आलुको मूल्य ४९ रुपैयाँ र सेतो आलुको मूल्य ४५ रुपैयाँ छ ।

सुकेको प्याज प्रतिकिलो ७३ रुपैयाँमा कारोबार भइरहँदा लोकल गाँजर ११५, बन्दा ४५, काउली ८५ र रातो मूला ७५ रुपैयाँ प्रतिकिलोमा किनबेच भइरहेको छ । लाम्चो भन्टा ५५, बोडी ६५, मटरकोशा ३१० रुपैयाँ र टाटे सिमी ५५ रुपैयाँ तोकिएको छ ।

यसबाहेक, लौका ३५, परवर ४५, चिचिण्डो ३५, घिरौला ६५ रुपैयाँ प्रतिकिलोमा बिक्री भइरहँदा कन्या च्याउको थोक मूल्य १६० छ । यस्तै, डल्ले च्याउको थोक मूल्य ३५३ रुपैयाँ हुँदा न्यूरोको मूल्य ८५ छ ।

Leave a Reply

Your email address will not be published. Required fields are marked *