सुवास नेम्वाङका छोराहरुले नलेखेको भाइरल चिठी

समाचार

२८ भदौ २०८०, बिहीबार
सीआईबीसीआईबी
विद्यालय शिक्षा विधेयकविद्यालय शिक्षा विधेयक
सुन तस्करीसुन तस्करी
नेपाली कांग्रेसनेपाली कांग्रेस
सुन तस्करी प्रकरणसुन तस्करी प्रकरण
शिक्
सुवास नेम्वाङका छोराहरुले नलेखेको भाइरल चिठी

बिहीबार नेम्वाङलाई दागबत्ती दिँदै छोराहरु मिङ्सो र सुहाङ ।
२८ भदौ, काठमाडौं । आर्यघाटमा पिता सुवास नेम्वाङको अन्त्येष्टिमा मानव सागर उर्लिंदा छोराहरु मिङ्सो र सुहाङ नजिकैको एउटा कुनाबाट दृश्यहरु हेरिरहेका थिए ।

जेठा छोरा मिङ्सो बेलायतबाट आइपुग्नुअगावै सुहाङ आफ्नो अष्ट्रेलिया भ्रमण छोट्याएर काठमाडौं ओर्लिएका थिए । मिङ्सो केही वर्षयता बेलायत बस्दै आएका छन्, सुहाङ काठमाडौंमै कानुन व्यवसाय गर्छन् ।

संविधानसभा अध्यक्ष नेम्वाङको साेमबार राति हृदयघातबाट निधन भएको थियो । मंगलबार दिउँसोदेखि सामाजिक सञ्जालमा नेम्वाङका छोराले बाबुलाई लेखेको चिठी शीर्षकमा एउटा कन्टेन्ट भाइरल हुन थाल्यो ।

उक्त चिठी विदेशिएको छोराले स्वदेशमा अन्तिम सास फेरेको बाबुलाई लेखेको भावुक भाकामा पेश छ । त्यसमाथि कमेन्ट गर्दै धेरैले, ‘आफ्नै छोरा त स्वदेशमा टिकाउन नसक्नेले के राजनीति गर्नु’ भन्ने किसिमको प्रतिक्रिया दिएका छन् ।

मिङ्सो र सुहाङ दुवैले त्यस्तो कुनै चिठी नलेखेको भन्दै खण्डन गरेका छन् । आफ्नो पिताले सधैं निष्ठाको राजनीतिमा जोड गरेको, प्रत्येक व्यक्ति आत्मनिर्भर बन्न सक्ने हुनुपर्छ भन्ने मान्यता राख्ने गरेको उनीहरुको भनाइ छ ।

‘यस्तो कुनै चिठी छैन, यस्तो खालको सस्तो प्रचारबाजी हुनुहुँदैन’ जेठा छोरा मिङ्सोले भने, ‘हामी यति बेला शोकमा छौं । कहाँबाट गलत कुराहरु आइरहेको छ ?’

कान्छा छोरा सुहाङले कसैको मृत्युलाई राजनीतिक उद्देश्य राखेर प्रचार गरिनु अनुचित हुने बताए । ‘बुवासँग मेरो भिडियो कल भएको थियो, सबै कुराहरु सामान्य ढंगले भएको थियो, अनपेक्षित घटना सुनेलगत्तै मैले दुई साताको भ्रमण छोट्याएँ’ सुहाङले भने, ‘गलत र भ्रामक कुराहरु प्रचार हुनु अनुचित छ । शोकको बेलामा यस्तो कुरा सुन्नु हामी परिवार र कसैको लागि पनि राम्रो होइन ।’

दुई छोरी र दुई छोराका पिता सुवास नेम्वाङको बिहीबार दिउँसो आर्यघाटमा अन्त्येष्टि भएको छ । उनको निधनमा सरकारले शोक बिदा दिएको छ ।

Leave a Reply

Your email address will not be published. Required fields are marked *