ब्रेकअपपछि भेनिसमा सौगात र सृष्टिको भेट, सँगै खिचाए तस्बिर तर बोलेनन्

समाचार

काठमाडौंँ । अभिनेता सौगात मल्ल र सृष्टि श्रेष्ठको प्रेम करिब ५ बर्ष चर्चामा रह्यो । विवाहको हल्लाकाबीच उनीहरुले गत बर्ष प्रेम सम्बन्ध सहमतिमा टुङ्ग्याए ।

प्रेममा ब्रेकअपपछि एकसाथ कहिलै नदेखिएका सौगात र सृष्टि पहिलो चोटी आमने–सामने भएका छन् । शुक्रबार इटालीको ‘भेनिस फिल्म फेस्टिभल’मा उनीहरु एकसाथ देखिएका हुन् । भेटमा उनीहरुले भेटमा एकअर्काेसँग बोलचाल पनि नगरेको बताइन्छ । दुबैले एकअर्काेलाई हेरेका मात्र थिए ।

फिल्म ‘द रेड सुटकेस’ को प्रिमियर पछि अन्तर्राष्ट्रिय मिडियालाई तस्वीर खिचाउने क्रममा दुवै एकसाथ उभिएका थिए । भेनिस फिल्म फेस्टिभलमा ‘द रेड सुटकेस’ का अर्का मुख्य अभिनेता विपिन कार्की, निर्देशक फिडेल देवकोटा र निर्माता रामकृष्ण पोखरेल पनि सहभागी थिए ।

फिल्ममा प्रविण खतिवडा, सोनम लामा, अञ्जु देउजा र बी विश्वकर्माको पनि फिल्ममा अभिनय छ । उनीहरुले यो फिल्म अभिनय प्रेममा रहेकै समय गरेका थिए । यी दुईले एकसाथ फिल्म ‘पोइ प¥यो काले’, ‘राधा’, ‘माइकल अधिकारी’ समेत अभिनय गरेका थिए ।

Leave a Reply

Your email address will not be published. Required fields are marked *